Leonora Jakupi, këngëtarja më e bukur

Leonora Jakupi, këngëtarja më e bukur


Këngëtarja Leonora Jakupi është zgjedhur
këngëtarja më e bukur, në një anketë të Kosovapress-it, duke fituar më
së shumti vota, 616 ose 30 për qind
të të anketuarve.

Në anketën pesëditore të Kosovapress-it “Cila prej këtyre këngëtareve
mendoni se është më e bukur”, kanë votuar gjithsej 2084 respondentë,
prej të
cilëve 616 votën e tyre ia kanë dhënë këngëtares Leonora Jakupi, e cila
u bë fillimisht e njohur me këngën “Po vritet pafajësia”.

Leonora, e kontaktuar nga Kosovapress, ka thënë se ndihet mirë që ka
fituar si femra më e bukur. Ajo ka falënderuar të gjithë adhuruesit që
kanë
votuar për të, duke thënë se pamja e jashtme është dhuratë prej Zotit,
por kjo bukuri duhet të plotësohet me gjëra të tjera, në të kundërtën
bukuria
është e pavlefshme.

“Më tepër e vlerësoj bukurinë e brendshme se sa atë të jashtme”, ka thënë Leonora.

Në anketë kanë marrë pjesë Leonora Jakupi, Genta Ismajli, Zanfina
Ismajli, Kaltrina Selimi, Nora Istrefi, Jehona Sopi. Pyetjes se cila
prej këtyre
këngëtareve mendoni se është më e bukura, me “asnjëra” janë përgjigjur
526 respodentë, ose 25 për qind.

Në vendin e tretë për nga numri i votave, radhitet këngëtarja e cila
këtë vit e ka quajtur vit të angazhimeve të mëdha dhe me “bereqet”,
Genta
Ismaili. Për Gentën, e cila pritet që në fillim të vitit të ardhshëm të
realizojë klipin e këngës “E pa mundur”, kanë votuar 254 votues ose 12
%.

Pas saj vjen, ajo që nuk do ta shohim me vello të bardhë në të ardhmen
e afërt, sepse veten më së paku e sheh si një grua të martuar. Është
fjala për
Zanfina Ismajlin për të cilën kanë votuar 216 fansa ose 10 %.

Zanfinës i ofrohet me vota edhe këngëtarja e hitit “Auto Stop”, Kaltrina Selimi me 213 vota ose 10 %.


Këngëtarja që njihet me fat për këtë vit edhe pse në një duet të
realizuar, ka kënduar këngën “Pa fat”, Nora Istrefi, ka marrë gjithsej
157 vota ose 8
për qind e të anketuarve. Më së paku vota ka marrë këngëtarja që njihet
me buzëqeshje të bukur, Jehona Sopi, e cila ka marrë 102 vota ose 5 %.

:P:P:P:P