Trupat izraelite kanë filluar të tërhiqen gradualisht nga Gaza, ndonëse akoma nuk është konfirmuar se sa ushtarë janë larguar. Televizioni izraelit Kanal 10 publikoi pamjet e tankeve qe po braktisnin Gazen.
Vendimi eshte marre pas mbarimit te takimit ne Egjipt dhe kete vendim Izraeli ia percolli gjithe botes.
"Izraeli nuk është i interesuar që trupat e tij të mbeten në Gazë dhe se dëshiron që ato të largohen sa më shpejt që të jetë e mundur", tha mes tjerash Kryeministri izraelit, Ehud Olmert.
Nga ana tjeter, udhëheqësi i lëvizjes militante palestineze, Hamas, Ismail Hanija, është shprehur se populli palestinez arriti një fitore të madhe mbi Izraelin.
Duke folur në televizion, ai tha se ofensiva trejavore e Izraelit në Rripin e Gazës kishte dështuar dhe nuk kishte arritur t'i gjunjëzonte palestinezët.