Aktorja me origjinë shqiptare Eliza Dushku do të paraqitet në serialin e ri të kanalit të njohur amerikan “Fox”, “DollHouse”. Seriali kishte filluar transmetimin në muajin tetor, por regjisori i këtij telefilmi Joss Whedon, kërkonte me tepër kohë gjë që shkaktoi edhe kuriozitetin e adhuruesve të ndryshëm të serialit. Eliza luan rolin kryesor, ndërkohë që edhe një shqiptar tjetër do të paraqitet përkrah saj. Të gjithë janë kuriozë të shohin Elizën në këtë paraqitje tjetër të saj si aktore ku kujtojmë se aktorja gëzon një popullaritet mjaft të mirë dhe ka krijuar shumë fansa.