Bashkimi Evropian ka kërkuar që fituesi i çmimit Nobel për Paqe, Martti Ahtisaari, të ndërmjetësojë në kontestin kufitar ndërmjet Sllovenisë dhe Kroacisë.
Për shkak të këtij kontesti, Sllovenia i ka bllokuar përpjekjet e Kroacisë për anëtarësim në BE.
Komisionari për zgjerim i BE-së, Olli Rehn, ka kërkuar nga Martti Ahtisaari, që ta kryesojë "grupin e lartë të ekspertëve", që do të merret me çështjen e kontestit kufitar ndërmjet Kroacisë e Sllovenisë, tha Krisztina Nagy, zëdhënëse e Komisionit Evropian.
Martti Ahtisaari kishte përpiluar planin mbi të cilin u shpall pavarësia e Kosovës. /REL/
Sat Jan 24, 2009 1:47 am